ᐅᑭᐅᖅᑕᖅᑐᒥ ᓄᓇᓐᖑᐊᓕᕆᓂᕐᒥᒃ ᐃᓕᓐᓂᐊᕐᓂᖅ
ᑲᓇᑕ-ᓄᓇᕗᑦ ᓄᓇᖑᐊᓕᕆᓂᕐᒧᑦ ᐊᓪᓚᒡᕕᖓᑦ ᐊᒻᒪᓗ Dalhousie ᓯᓚᑦᑐᓴᕐᕕᔾᔪᐊᖅ ᓴᖅᑮᓯᒪᔪᑦ ᐅᑭᐅᖅᑕᖅᑐᒥ ᓄᓇᓐᖑᐊᓕᕆᓂᕐᒧᑦ ᐃᓕᓐᓂᐊᕋᑦᓴᒥᒃ. ᑐᕌᒐᖃᖅᑐᖅ ᐊᑐᐃᓐᓇᐅᑎᑦᓯᓂᕐᒥᒃ ᐃᓗᓕᖅᑐᔪᒥᒃ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᐅᔪᒥᒃ ᐅᑭᐅᖅᑕᖅᑐᒥᓂᐅᓄᑦ ᐃᑲᔪᖅᓯᒍᑕᐅᒍᓐᓇᖅᓱᓂ ᖁᕕᐊᓇᖅᑐᒻᒪᕆᓐᓂᒃ ᐃᖅᑲᓇᐃᔮᖅᑖᕐᓂᕐᒥ ᑕᖅᑳᓂ ᓇᒻᒥᓂᕆᐅᔪᓂᓘᓐᓃᑦ. ᑖᓐᓇ ᐃᓕᓐᓂᐊᕋᑦᓴᖅ ᒪᕐᕉᓕᖅᑲᖓᔪᖅ: 1) ᐅᐱᕐᖔᒃᑯᑦ ᓄᓇᒥ ᐃᓕᓐᓂᐊᕐᓂᕐᒥᒃ Dalhousie ᓯᓚᑦᑐᓴᕐᕕᔾᔪᐊᖓᑎᒍᑦ ᐊᒻᒪᓗ 2) ᐊᐅᔭᒃᑯᑦ ᐃᖅᑲᓇᐃᔭᕆᐅᖅᓴᕐᓂᖅ CNGO-ᑯᓐᓂ.
ᑖᓐᓇ ᐊᕐᕌᒍᑕᒫᑦ ᐊᐅᓚᓂᖃᓲᖅ ᐱᒋᐊᔪᔪᖅ 2013-ᒥ ᐃᓕᓐᓂᐊᑎᑦᓯᓯᒪᓕᕇᖅᓱᑕᓗ ᑕᓪᓕᒪᓂᒃ ᓄᓇᑖᖃᑕᐅᓯᒪᔪᓂᒃ ᐃᓚᐅᔪᖃᖅᓯᒪᒻᒥᑦᓱᓂᓗ ᔫᑳᓐᒥᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓗᓕᖏᓐᓂᒃ ᑖᑦᓱᒪ ᐅᑭᐅᖅᑕᖅᑐᒥ ᐃᓕᓐᓂᐊᕐᓂᐅᑉ ᐅᖃᓕᒫᓐᖑᐊᑕᖅᓯᓐᓇᒃᑭᑦ CNGO ᓇᐃᓪᓕᑎᖅᓯᒪᔪᑦ ᐊᐅᓚᓂᐅᔪᓄᑦ 2013 ᑎᑎᕋᖅᑕᐅᓯᒪᔪᑦ ᓄᓇᓐᖑᐊᓕᕆᓂᕐᒧᑦ ᐃᓕᓐᓂᐊᕐᓂᐅᔪᖅ ᓄᓇᕗᒻᒥ ᐃᓕᓐᓂᐊᖅᑎᓄᑦ: ᑲᑐᔾᔨᖃᑎᒌᓐᓂᖅ ᐅᑯᓄᖓ ᑲᓇᑕ-ᓄᓇᕗᑦ ᓄᓇᓐᖑᐊᓕᕆᔩᑦ ᐊᓪᓚᒡᕕᖓᑦ ᐊᒻᒪᓗ Dalhousie ᓯᓚᑦᑐᓴᕐᕕᔾᔪᐊᖅ.
ᓇᐃᑦᑐᑦ ᑕᕐᕆᔭᕋᑦᓴᐃᖅ Dalhousie ᓯᓚᑦᑐᓴᕐᕕᔾᔪᐊᕐᒥᒃ ᓄᓇᒥ ᐃᓕᓐᓂᐊᕐᓂᕐᒧᑦ ᓴᖅᑭᖅᑕᐅᓯᒪᔪᑦ ᑕᑯᔭᑦᓴᐅᑦᓱᑎᓪᓗ ᐊᑖᓂ.
