ᑲᓇᑕ-ᓄᓇᕗᑦ ᓄᓇᓐᖑᐊᓕᕆᕕᖓᑦ (CNGO) ᓴᖅᑭᖅᑕᐅᓚᐅᖅᓯᒪᔪᖅ 1999-ᒥ. ᑲᑐᔾᔨᖃᑎᒌᓐᓂᐅᔪᖅ ᒐᕙᒪᒃᑯᖏᓐᓄᑦ ᓄᓇᕗᑦ (GN), ᓄᓇᒥᐅᑕᓕᕆᔨᒃᑯᑦ ᑲᓇᑕᒥ (NRCan) ᐊᒻᒪᓗ ᓄᓇᖃᖅᑳᖅᒪᔪᓕᕆᔨᒃᑯᑦ ᐅᑭᐅᖅᑕᖅᑐᒥᓗ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ (AANDC). ᓄᓇᕗᑦ ᑐᓐᖓᕕᒃ (NTI) ᓂᕈᐊᖅᑎᐅᒐᑎᒃ ᐃᓚᒋᔭᐅᔪᑦ ᐊᓪᓚᕕᒻᒥ.

CNGO-ᑯᑦ ᐱᓯᒪᔪᑦ ᖃᐅᔨᒪᔪᒻᒪᕆᓐᓂᒃ ᐅᑯᓇᓂ Precambrian, Paleozoic ᐊᒻᒪᓗ Quaternary ᓄᓇᓐᖑᐊᓕᕆᓂᕐᒥᒃ, ᑕᒻᒪᕇᒃᑯᑎᓂᒃ ᐊᒻᒪᓗ ᓄᓇᓐᖑᐊᓕᐅᕐᓂᖅ ᐊᒻᒪᓗ ᖃᕆᑕᐅᔭᒃᑯᑦ ᑲᑎᖅᓱᖅᑕᐅᓯᒪᔪᑦ ᐃᒻᒥᒃᑯᐊᖅᑎᖅᑕᐅᓂᖏᓐᓂᒃ. ᑎᓕᔭᐅᔾᔪᑕᐅᓯᒪᔪᖅ ᐊᓪᓚᕕᒻᒧᑦ ᐊᑐᐃᓐᓇᐅᑎᑦᓯᓂᖅ ᓄᓇᕗᒻᒧᑦ ᓄᓇᓕᕆᓂᕐᒨᖓᔪᓂᒃ ᑐᓴᕋᑦᓴᓂᒃ ᖃᐅᔨᒪᔪᒻᒪᕆᓐᓂᓪᓗ ᐃᑲᔪᖅᓯᔭᐅᓂᕐᒧᑦ: 1) ᐃᑉᐱᒍᓱᑦᓯᐊᖅᓱᑎᒃ ᓄᓇᒥᐅᑕᕐᓂᒃ ᕿᒥᕐᕈᓂᖅ ᐱᕙᓪᓕᐊᓂᕐᓗ 2) ᐃᑉᐱᒍᓱᑦᓯᐊᖅᓱᑎᒃ ᐊᐅᓚᔾᔪᑎᓂᒃ ᐱᕙᓪᓕᐊᑎᑦᓯᓂᖅ 3) ᓄᓇᓐᖑᐊᓕᕆᓂᕐᒥ ᐱᕈᖅᐸᓪᓕᐊᑎᑦᓯᓂᖅ 4) ᓄᓇᓐᖑᐊᓕᕆᓂᕐᒥᒃ ᐃᓕᓐᓂᐊᕐᓂᖅ ᐃᓕᓐᓂᐊᑎᑦᓯᓂᕐᓗ ᐊᒪᓗ 5) ᓄᓇᓐᖑᐊᓂᒃ ᐅᔾᔨᕈᓱᓐᓂᖅ ᑐᑭᓯᒋᐊᕈᑎᖃᕐᓂᕐᓗ.

CNGO-ᑯᑦ ᑎᑎᕋᖅᑕᖏᑦ ᑲᑎᖅᓱᖅᑕᖏᓪᓗ ᐃᑖᒐᑦᓴᐅᔪᑦ ᐅᕙᓐᖓᑦ. ᑐᑭᓯᔭᐅᔪᑦ CNGO-ᑯᑦ ᐃᖅᑲᓇᐃᔮᖏᓐᓂᒃ ᑎᑎᕋᖅᑕᐅᕙᖅᑐᑦ ᐊᒃᕌᒍᑕᒫᑦ ᓇᐃᓪᓕᑎᖅᓯᒪᔪᓂ ᐊᐅᓚᓂᐅᔪᓂ ᓴᒃᑯᑕᐅᕙᑦᓱᑎᓪᓗ ᐊᓯᖏᓐᓂ ᐊᔾᔨᒌᓐᖏᑦᑐᓂᒃ ᑎᑎᕋᖅᑕᐅᔪᓂ.

ᑲᑐᔾᔨᖃᑎᕗᑦ